|
Loksins póstur!
Ég ætlaði að skrifa fáeinar línur hér inn síðasta föstudag eftir að daman var vigtuð. Það tókst ekki þar sem að Ragnhildur er svoddan selskapsdýr að hún sefur á nóttunni og heimtar svo að vera með í partýinu á daginn. Hún verður sérstaklega athyglisþurfi akkúrat þegar kvöldmaturinn er tilbúinn og svo þegar ég ætla að skrifa hérna. Þar sem að það hefur verið kvartað undan skiftarleysi, þá er bara að nota "næturna" í þetta (hálf 11 er óvenju seint á þessu heimili núorðið).
Allavegana þá er eftirfaranadi spennandi búiða að gerast síðan síðast:
Pæjan var vigtuð og var búin að þyngjast um 600 grömm á einni viku. Það sést á 2. undirhökunni og bjútíbollukinnunum sem hún er komin með. Við komumst reyndar að því í heimsókninni hjá hjúkrunarkonunni að við erum ekkert skárri heldur en amma mín varðandi kynjatengd störf. Það var ungur drengur inni á stofunni hjá hjúkkunni og við vorum bæði að velta fyrir okkur hvort það væri læknanemi eitthvað að fara að kíkja á hana, en nei þá var þetta hjúkrunarfræðinemi í skítugum strigaskóm!
Á laugardaginn kíktu svo Össi og Gulla í heimsókn með afleggjarana. Ragnhildur var nú sofandi þegar þau komu, en um leið og hún uppgötvaði margmennið í litlu stofunni okkar vaknaði hún og neitaði svo að setja upp fyrirsætusvip þegar Guðrún Sara fékk að halda á henni.
Daman var svo að sjálfsögðu vakandi langt fram á kvöld, og sofnaði ekki fyrr en eftir að Jón&Beta (sem mættu í lambalæriskvöldmat) fóru heim.
Á sunnudaginn gerðist nú ekki mikið á þessu heimili. Gummi fór í sitt bandý og við dúlluðum okkur bara heima. Hann kom nú eitthvað aðeins seint heim, þar sem að hann fór með Val á spítalann. Leikurinn varð víst svo spennandi að Valur var felldur og fékk gleraugun sín hálf inní ennið og þurfti víst eitthvað aðeins að láta sauma sig saman.
Á mánudaginn horfðum við mæðgurnar saman á dagsápurnar eftir göngutúr í góða veðrinu.
Á þriðjudaginn horfðum við mæðgurnar saman á dagsápurnar eftir göngutúr í góða veðrinu. Um kvöldið gerðumst við þjóðleg og fengum okkur grjónagraut með lifrapylsu og buðum Jón&Betu og Ingibjörgu í þessa gúrmei máltíð.
Á miðvikudaginn horfðum við mæðgurnar saman á dagsápurnar eftir göngutúr í góða veðrinu.
Á fimmtudaginn kom Katrín með fullt af bakarísbakkelsi með sér (og skilaði veðmætu ikea skálinni sem hún fékk lánaða um daginn) og endaði svo í mat. Að sjálfsögðu var Ragnhildur vakandi allan daginn og tók þátt í teitinu.
Í gær komu svo Gugga systir og Þórður til Svensonalandsins. Við kíktum örstutt með þeim í bæinn og fórum svo barasta heim og elduðum. Við komum við í ríkinu á leiðinni heim til að kaupa eins og eina hvítvín til að hafa með matnum. Ég ákvað að reyna ekki að fara inn í búðina með barnavagninn. Það er nebbliega valborgarmessa á morgun, og þar af leiðandi valborgarmessuafton í kvöld. Tryggir lesendur þessarar síðu muna kannski eftir hressleikanum sem átti sér stað á þessum degin hjá undirritaðri í fyrra, en þetta er einmitt dagurinn sem flestir sænskir unglingar byrja að drekka. Það var hleypt inn í hollum þannig að við stúlkurnar biðum þrjár fyrir utan á meðan hetjurnar hættu sér inn í kraðakið. Ég gat reyndar alveg treyst því að Gummi myndi velja rétt hvítvín. Það þarf bara að vera í fínni flösku, meira vit á vínum hef ég ekki!
Í dag erum við svo bara búin að hangsa heima, Gummi að læra og við að dúlla okkur. Við gerðum reyndar örlitla tilraun á barninu okkar fyrri partinn. Við ætluðum að stimpla handafar og fótafar í "mitt första år" bókina hennar. Það gekk ekki betur en svo að við fengum klesst fótafar, ekkert handafar og svarta málningu yfir allt barnið, elhúsborðið og skiptiborðsapparatið. Málningin náðist nú öll af og hlaut stúlkan engan varanlegan skaða af. Við munum líklega skilja eftir autt pláss þar sem handafarið á að vera.
Á morgun á svo Ragnhildur 1 mánaðar afmæli. Hún mun fagna með mjólkurþambi og kannski nokkrum A&D dropum. Síðan eigum við örugglega eitthvað eftir að dúllast eitthvað með Guggu móðu, við þurfum að sína henni stórborgina áður en hún fer heim.
Ég ætla að reyna að vera duglegri héðan af að uppfæra þessa síðudruslu svo að ég þurfi ekki að setja inn svona innihaldslaust upptalningablogg. Annars setti ég fleir myndir í vika 4 albúmið hennar, og þar má meðal annar sjá misheppnuðu tilraunina okkar.
Skrifað 10:22 e.h. af Sveinbjörgu
|
bravenet.com